Minsk qrupunun buraxılmasına Rusiyadan REAKSİYA

Minsk qrupunun buraxılmasına Rusiyadan REAKSİYA

Hazırda oxunan: Minsk qrupunun buraxılmasına Rusiyadan REAKSİYA

267613

“Minsk qrupunun ləğvi proseduru artıq işə salınıb”. 

Bizim.Media “RBK” nəşrinə istinadla xəbər verir ki, bu fikirləri Rusiya Federasiyasının ATƏT yanındakı daimi nümayəndəsi Aleksandr Lukaşeviç bildirib.
 

Onun sözlərinə görə, ATƏT-in əsas siyasi məsləhətləşmə orqanı olan Daimi Şura üzvlərə “sükut razılığı” ilə müvafiq nazirlik qərarını təsdiqləməyi tövsiyə edib. Əgər sentyabrın 1-dək heç bir ölkə etiraz bildirməsə, qərar qəbul olunmuş sayılacaq.


Diplomat vurğulayıb ki, qərarın icrası ilə bağlı inzibati və maliyyə tədbirlərinin həyata keçirilməsi bir neçə ay çəkəcək. Bu prosesin dekabr ayından gec olmayaraq başa çatdırılması planlaşdırılır. 

Bundan sonra, keçmiş Qarabağ münaqişəsinin həllinə dəstək göstərən üç struktur tamamilə fəaliyyətini dayandıracaq.

Xatırladaq ki, Minsk qrupu ATƏT çərçivəsində 1990-cı illərin əvvəlində yaradılıb. Onun həmsədrləri Rusiya, ABŞ və Fransa idi. Qrupun daimi üzvləri arasında Azərbaycan, Ermənistan, Belarusiya, Almaniya, İtaliya, Türkiyə, Finlandiya və İsveç də yer alırdı. Qrupun əsas məqsədi Bakı ilə İrəvan arasında danışıqlara şərait yaratmaq, sülh sazişinə nail olmaq və gələcəkdə ATƏT-in sülhməramlı qüvvələrinin bölgədə yerləşdirilməsini təmin etmək idi.

Minsk qrupunun həmsədrlərinin son birgə bəyanatı 7 dekabr 2021-ci ildə yayılıb. 2022-ci ildən etibarən isə qurum faktiki olaraq fəaliyyət göstərmir.

Bizim.Media

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.

XƏBƏR LENTİ

Xəbərin mətnində orfoqrafik səhv var

Qeydinizi daxil edin

RADİO