Xəbər verdiyimiz kimi, İsrailin İran ərazisinə zərbələri nəticəsində ölkənin Silahlı Qüvvələrinin Baş Qərargah rəisi general-leytenant Məhəmməd Baqeri, eləcə də İran İslam İnqilabı Keşikçiləri Korpusunun (SEPAH) Baş komandanı Hüseyin Salami həlak olub.
Bizim.Media xəbər verir ki, İranın ali rəhbəri Əli Xamenei sözügedən postlara müvəqqəti rəhbərlər təyin edib.
Belə ki, Həbibullah Sayyari Silahlı Qüvvələrin müvəqqəti Baş Qərargah rəisi, Əhməd Vahidi isə SEPAH-ın Baş komandanı təyin olunublar.
Qeyd edək ki, bu gün gecə saatlarında İsrail İrana qarşı “Yüksələn aslan” kod adlı hərbi əməliyyata başlayıb.
Əməliyyat çərçivəsində paytaxt Tehrana və İranın nüvə obyektlərinə zərbələr endirilib. Hücumlar nəticəsində İranın bir sıra yüksəkrütbəli komandanları və nüvə enerjisi sahəsində ixtisaslaşmış alimləri məhv edilib.
Bizim.Media
