100-dən çox Ukrayna dronu Rusiyanın müxtəlif bölgələrinə hücum etdi – VİDEO

Hazırda oxunan: 100-dən çox Ukrayna dronu Rusiyanın müxtəlif bölgələrinə hücum etdi – VİDEO

253906

İyunun 10-na keçən gecə Ukraynaya məxsus 102 pilotsuz uçuş aparatı (PUA) Rusiya ərazisində hava hücumundan müdafiə qüvvələri tərəfindən məhv edilib.

Bizim.Media xəbər verir ki, bu barədə Rusiya Müdafiə Nazirliyi rəsmi məlumat yayıb.

Nazirliyin məlumatına görə, ən çox PUA hücumu Bryansk vilayəti üzərində qeydə alınıb. Orada 46 dron vurulub. Daha 20 dron isə Belqorod vilayətində zərərsizləşdirilib.

Bundan əlavə, PUA-lar aşağıdakı regionlar üzərində məhv edilib:

Voronej, Kaluqa, Moskva, Kursk, Smolensk, Leninqrad və Orlov vilayətləri,

Tatarıstan Respublikası, eləcə də anneksiya olunmuş Krım ərazisi.

Belqorod vilayətinin rəhbəri Vyaçeslav Qladkovun sözlərinə görə, PUA-nın qalıqlarının düşməsi nəticəsində bir uşaq yaralanıb.

Bryansk vilayətinin rəhbəri Aleksandr Boqomaz bildirib ki, yerli əhali arasında xəsarət alan yoxdur. Eyni açıqlamalar Voronej, Orlov və Kaluqa vilayətlərinin rəhbərləri tərəfindən də verilib. Bu bölgələrdə xəsarət alan və dağıntılar qeydə alınmayıb.

Leninqrad vilayətinin qubernatoru Aleksandr Drozdenko bildirib ki, bir dron Tosno rayonunda, digəri isə Lomonosov rayonunda vurulub. Qubernator itki və dağıntıların olmadığını deyib. Dron hücumları səbəbindən Leninqrad vilayətində mobil rabitə və internet xidmətlərinə müvəqqəti məhdudiyyətlər tətbiq olunub.
Dron hücumları səbəbilə Rusiya Mülki Aviasiya İdarəsi (Rosaviatsiya) bir sıra hava limanlarında uçuşlara müvəqqəti məhdudiyyətlər tətbiq edib. Bu məhdudiyyətlər aşağıdakı hava limanlarını əhatə edib:

Moskva: Şeremetyevo, Domodedovo, Vnukovo və Jukovski

Saratov, Samara, Kazan, Kaluqa, İjevsk və Kirov hava limanları

Moskva vaxtı ilə saat 09:00-da (Bakı vaxtı ilə 10:00-da) bu məhdudiyyətlər rəsmən ləğv edilib və hava limanlarının işi bərpa olunub.

Bu hücumlar Ukrayna ilə Rusiya arasında gərginliyin artdığı bir dövrdə baş verir. Rəsmi Kiyev hücumlara dair açıqlama verməyib, lakin bu tip PUA əməliyyatları, adətən, Ukraynanın cavab tədbirləri kimi qiymətləndirilir. Rusiya tərəfi isə ölkə ərazisinin hava hücumlarından qorunmasının daha da gücləndiriləcəyini bəyan edib.

Bizim.Media