Antalyada 2006-cı ildə itkin düşən Ayhan Ağgedikin öldürüldüyü 17 il sonra məlum olub.
Bizim.Media xəbər verir ki, 2023-cü ilin noyabrında Manavgat Prokurorluğuna daxil olan məlumat əsasında yenidən araşdırılan işdə Ağgedikin arvadından ayrılmaq istədiyi üçün qayınatası və qayını tərəfindən 40 min TL qarşılığında tutulan killer tərəfindən qətlə yetirildiyi ortaya çıxıb.
İstintaq zamanı 2013-cü ildə Aksazda tapılmış və torpağa qismən gömülmüş insan qalıqlarının Ayhan Ağgedikə aid olduğu DNA analizləri ilə təsdiqlənib. Hadisəyə görə saxlanılan üç nəfərdən ikisi ömürlük, biri isə 20 il həbs cəzası alıb.
Bu şokedici cinayət uzun illər gizli qalsa da, yeni sübutlar və texnologiya sayəsində aydınlaşdırılıb. (News24.az)
Bizim.Media
