“Biz gələcəyin ən güclü ordusunu qurmaq istəyirik”.
Bizim.Media xəbər verir ki, bu sözləri ABŞ Prezidenti Donald Tramp konqresdəki çıxışında səsləndirib.
“Mən Konqresdən vətənimizi qorumaq üçün ABŞ-də istehsal olunan ən müasir “Qızıl Qübbə” raketdən müdafiə sisteminin maliyyələşdirməsini xahiş edirəm. Ronald Reyqan bunu etmək istəyirdi, amma onda texnologiya hazırki səviyyədə deyildi. İndi bunu edəcək texnologiyamız var”, - deyə, qeyd edib.
ABŞ Prezidenti sözügedən sistemin İsraildə olduğunu da vurğulayıb.
"Bizdə bu sistem olmalıdır. Çünki biz qorunmaq istəyirik. Biz müdafiə sənayesi bazamızı gücləndirib, vətəndaşlarımızı heç vaxt olmadığı qədər qoruyacağıq”, - deyə Tramp əlavə edib.
Xatırladaq ki, Tramp ötən ay “Dəmir Qübbə” milli raketdən müdafiə sisteminin inkişafı haqqında sərəncam imzalayıb.
Bizim.Media
