Hazırda ABŞ-da səsvermənin nəticələri hesablanır. Xatırladaq ki, Demokratlar partiyasının namizədi Co Bayden Donald Trampı üstələyir.
Seçkinin iki dövlətin əlaqələrinə necə təsir göstərəcəyi barədə ABŞ və Kanada elmi tədqiqatlar institutunun əməkdaşı Aleksandra Fİlippenko Rusiya kanalına verdiyi müsahibəsində danışıb. Müsahibə “currenttime.tv” saytında dərc olunub.
Bizim.media müsahibəni təqdim edir:
- Səslərin yenidən sayılması üçün əsas varmı? Əgər belədirsə, bu proses necə davam edəcək
- Viskonsi qanunlarına görə, əgər səslər 1 %-dən azdırsa, yenidən sayılmalıdır. Hazırda orda nəticələr 0,8%-dir. Buna görə, hesablamalar avtomatik olaraq yeni sayım başlamalıdır. Bunun heç bir səhv yeri yoxdur, bu dəfələrlə Wisconsin-də olub. Digər ştatlara gəldikdə - Miçiqan, Pensilvaniya, Arizonada isə bu proses Ali Məhkəməsinin qərarı ilə baş verə bilər.
- Yenidən sayma baş verərsə, sizcə necə?
- Yenidən hesablama Donald Tramp administrasiyasının tələbi ilə əyalətin Ali Məhkəməsinin qərarı ilə baş verə bilər. Bu baş versə təəssüf ki, çox uzun vaxt aparacaq. Bu zaman bülletenlər müşahidəçilər tərəfindən əl ilə sayılır.
- Trampın vəkilləri əsas ştatlarda qələbə üçün məhkəməyə müraciət edəcəklərmi?
- Bəli. Rudolf Culiani artıq bunu edir. Tramp komandası artıq əsas əyalətlərdə - Co Baydenin qələbə qazandığı yerlərdə - Miçiqan, Visconsində, Pensilvaniya, Şimali Karolinada, Corciyada bu proseslərə başlayıb. Əlbətdə ki, vəkillər indi ən vacib rolu oynayacaqlar.
- Prezidentliklə bağlı heç bir şey aydın deyilsə, onda Senat respublikaçı, Nümayəndələr Palatası isə demokratlar üçün qalacaq. Namizədlərin hər biri qalib gəlsə, bu qərar verməyə necə təsir edəcək?
- İkiyə bölünmüş hökumət ABŞ üçün təəccüblü deyil. Burada prezident bir partiyanı, Konqres isə başqa partiyanı təmsil edəcək. İncə məqam odur ki, Co Bayden seçilərsə, Birləşmiş Ştatların ən yaşlı prezident statusunu qazanacaq. Qeyd edim ki, bir vaxtlar o, ən gənc senator olub. Co Bayden həqiqətən respublikaçılar ilə necə çalışacağını çox yaxşı bilir. O respublikaçı, Arizonada çox sevilən senator Con Makkeynla yaxın dost olub.
Donald Trampa gəlincə isə, onun olduqca səbrsiz bir insan olduğunu və seçiləndə vəd verdiyi bir çox sözləri yerinə yetirmədiyini bilirik. Çünki o, konqreslə razılığa gələ bilmədiyi üçün bu işləri görə bilmədi. Co Bayden isə bunu necə edəcəyini çox yaxşı bilir.
- Aleksandra, Bayden seçilsə Rusiya ilə ABŞ arasındakı münasibətlər necə olacaq?
- Təəccüblüdür ki, 2016-cı ildə bir çox qeyri-peşəkar amerikalı Donald Trampın qələbəsindən çox sevinməsinə baxmayaraq, ölkələr arasında münasibətlər pisləşdi. Xatırladaq ki, START III, Barak Obamanın prezidentliyi dövründə, Co Bayden vitse-prezident olarkən imzalanıb. İndi yenilənməsi tələb olunan bütün müqavilələr də həmçinin.
Co Baydenin Rusiya rəhbərliyini tənqid etməsinə baxmayaraq, indi müzakirə olunan və sanksiyaların tətbiq oluna biləcəyi “Şimal Axını” bizim işimizə yaraya bilər. Biz sadəcə, demokratlardan nə gözləyəcəyimizi bilirik.
Ağ Evə gələcək insanlar həm Klinton, həm də Obama administrasiyasında uzun illər Dövlət Departamentində işləyən peşəkar siyasətçilərdir. Və bu həqiqətən də Rusiya-Amerika münasibətlərinə fayda gətirəcək.
- Tramp qalsa?
- Bu zaman əsas dövlət katibinin kimin olacağı vacibdir. Pompeonun qalıb-qalmayacağı məlum deyil. Burada danışıqların necə gedəcəyini proqnozlaşdırmaq çətindir. Çünki Donald Tramp Rusiya prezidenti ilə çox yaxşı münasibətlərinin olmasına baxmayaraq, güzəştə getmədiyini də bilirik. Danışıqlarda olduqca sərt olduğu üçün bəzi çətinliklər gözləmək olar.
Ancaq indi proqnoz vermək çox çətindir. Yenə də hər halda ən yaxşısına ümid edək.
Bizim Media
