Dünən axşam Yunanıstanda ağlasığmaz bir qəza yaşandı. Hadisə yerinə aid görüntülərin yeni ortaya çıxdığı qəzada qatar relsdən çıxaraq bir evin divarlarını deşib, içəri keçdi. Hadisədə 3 nəfər dünyasını dəyişdi.xa0
Moderator.az beynəlxalq xəbər agentliklərinə istinadən məlumat verir ki, Afina-Selanik səfərini edərkən relsdən çıxan qatar bir binanın içinə girdi. Yunan dövlət dəmiryolları xa0TRAİNOSE tərəfindən edilən açıqlamaya görə, Afina-Selanik reysi ilə gedən qatarın hələ müəyyən olmayan səbəblərə görə relsdən çıxması nəticəsində biri maşinist, biri qatar məmuru, biri sərnişin olmaqla üç nəfər həyatını itirdi; ikisi ağır olmaqla beş nəfər də yaralanıb.
Afinadan çıxan qatar, saat 21:40-da Selanikinin yaxınlığında xa0olan Adendro bölgəsində relsdən çıxıb, içində iki adamın olduğu bir evə dəydi. Evinin bağçasında oturan və hadisəyə şahid olan yaşlı bir adam: "Qorxunc bir səs-küy eşitdim və gözlərimə inana bilmədim. Qatar qonşumun evinə girdi" dedi.
Türkan Yaqub
