Aİ-dan İrana növbəti SANKSİYA: Daha 32 fiziki şəxs “qara siyahıda”

Hazırda oxunan: Aİ-dan İrana növbəti SANKSİYA: Daha 32 fiziki şəxs “qara siyahıda”

121575

Avropa İttifaqı (Aİ) insan hüquqlarının pozulmasına görə İrana qarşı sanksiyaları genişləndirib.

Bizim.Media TASS-a istinadən xəbər verir ki, bu barədə "Aİ-nin rəsmi jurnalı"nda məlumat verilib.

Məlumata görə, İranın daha 32 fiziki və 2 hüquqi şəxsi qara siyahıya əlavə edilib:

“Aİ-nin İranı narahat edən bütün məsələləri, o cümlədən insan hüquqları ilə bağlı vəziyyəti həll etmək öhdəliyinə uyğun olaraq, 32 fiziki və 2 hüquqi şəxs, barələrində məhdudlaşdırıcı tədbirlər tətbiq edilən fiziki və hüquqi şəxslər, təşkilatlar və qurumlar siyahısına daxil edilməlidir”, -deyə məlumatda qeyd edilib.

Qeyd edilib ki, qara siyahıya daxil edilən şəxslər arasında məmurlar, təhlükəsizlik qüvvələrinin təmsilçiləri, məhkəmə və penitensiar sistemlərin nümayəndələri da var. Hüquqi şəxslər polis və təhlükəsizlik qüvvələrinin maliyyələşdirilməsi ilə əlaqəsi olan strukturlardır.

Bizim.Media