Ukraynanın daxili işlər naziri Denis Monastırski bu gün Kiyev vilayətinin Brovarı qəsəbəsində baş verən helikopter qəzasında həlak olub.
Bizim.Media "Unian"a istinadən xəbər verir ki, qəzada həyatını itirənlər arasında nazirin birinci müavini Yevgeni Yenin və dövlət katibi Yuri Lubkovi də olub.
Milli Polis İdarəsinin rəhbəri İqor Klimenko açıqlamasında bildirib ki, qəza nəticəsində 16 nəfər ölüb. Onlardan 2-si uşaqdır. Ölənlərin 9-u helikopterin göyərtəsində olub.
O əlavə edib ki, 22 yaralı xəstəxanadadır, onlardan 10-u uşaqdır.
Qəza yerinə baxış davam edir.
Bizim.Media
