Son günlər Suriyada baş verən hadisələrdən sonra Türkiyə, ABŞ, Rusiya, Fransa, İtaliya və başqa bu kimi dövlətlər Aralıq dənizinə öz döyüş gəmilərini göndərir.
Moderator.az-ın Türkiyə mətbuatına istinadən verdiyi məlumata görə, Aralıq dənizində Türkiyəyə məxsus 34 gəmi var ki, bunun 20-si donanma, 14-ü isə köməkci gəmidir. Bu gəmilərdən 3-ü korvet, 1-i dənizaltı, 1-i hücum gəmisi və 1-i friqat (müasir döyüş gəmisi) həmişə Aralıq dənizində kəşfiyyat məqsədilə hərəkət edir.
Rusiyanın Aralıq dənizində 13 gəmisi var. Bu gəmilərdən 4-ü donanma, 9-u isə köməkci gəmidir.
ABŞ-ın Aralıq dənizində 3 donanma gəmisi, Fransanın 5 ( 1 ədəd təyyarə gəmisi, 2 ədəd donanma, 1 ədəd friqat, 1 ədəd kəşfiyyat gəmisi), İtaliyanın isə 2 gəmisi ( 1 ədəd friqat, 1 ədəd dənizaltı gəmisi) var.
Aralıq dənizində İngiltərə, Belçika, İspaniya, Kanada, Portuqaliya, Yunanıstan və Hollandiyaya da məxsus gəmilərin olduğu bildirilir.
