5 yaşından atasız böyüyən Qubanın 13 sentyabr şəhidi Ümid Həsənovla bağlı ilginc bir məlumat açıqlanıb.
Bizim.Media-nın şəhidin yaxınlarından əldə etdiyi məlumata görə, illər öncə Ümidin adını daşıdığı özündən böyük qardaşı 12 yaşında göldə boğulub.
Faciəvi hadisədən sonra onun adını Ümidə qoyublar. Onun atasının isə yol qəzasında həyatını itirdiyi deyilir.
Amma bütün analar kimi Ümidin anası Məxburə xanım da dözümlü, mərd Azərbaycan qadını və anası adını bir daha doğrultdu.
İcra başçısı Ziyəddin Əliyev şəhidin cənazəsi bükülmüş Azərbaycan bayrağını Ümidin əmisinə təqdim edib.
Dəfnə qatılan şəhidin anası bir daha "oğlum Ümidlə fəxr edirəm" - deyib.
Aytəkin Alxaslı, Bizim.Media, Şimal bürosu
