Şabranda yenidən güclü yanğın başlayıb.
Şabran İH başçısının müavini İlkin Ağayev Bizim.Media-ya açıqlamasında bildirib ki, dünən yanğın qeydə alınan Ağalıq kəndi ərazisində yenidən alov görünüb.
Yolun həm sağ, həm də sol hissəsində güclü yanğın başlayıb.
Hazırda ərazidə FHN-nin 4 yanğınsöndürən avtomobili və canlı qüvvəsi alovla mübarizə aparır.
Küləyin güclü olması və isti hava nəticəsində yanğın dünənkindən də çox sürətlə yayılır.
Bundan başqa, Şabranın Qazma kəndində 1 ev və 1 tövlə də yanıb.
Aytəkin Alxaslı, Bizim.Media, Şimal bürosu
