Azərbaycan alimi, fizika-riyaziyyat elmləri doktoru, akademik, 1983–1997-ci illərdə Azərbaycan Elmlər Akademiyasının (AMEA) prezidenti Eldar Salayev vəfat edib.
Bu barədə informasiyanı AMEA-nın Mətbuat Xidmətinin rəhbəri Azadə Balayeva Bizim.Media-ya bildirib.
Onun sözlərinə görə, akademik müalicə aldığı xəstəxanada ötən gecə 89 yaşında dünyasını dəyişib.
Xatırladaq ki, Eldar Salayev 1933-cü ildə dekabrın 31-də Naxçıvan şəhərində anadan olub.
1970–1973-cü illərdə Azərbaycan EA Fizika İnstitutunda elmi işlər üzrə direktor müavini, 1972-ci ildə Azərbaycan Dövlət mükafatı laureatı adını, 1975-ci ildə fizika-riyaziyyat elmləri doktoru alimlik dərəcəsini almışdır.
1979-cu ildən professordur. 1980-ci ildə EA-nın müxbir üzvü, 1983-cü ildə isə həqiqi üzvü seçilib. 1983–1997-ci illərdə Azərbaycan EA-nın Prezidenti seçilib.
Akademik S.İ.Vavilov adına, H.Z.Tağıyev adına, N.Nərimanov adına mükafatların laureatıdır. İslam Akademiyasının üzvüdür.
O, 1983–1997-ci illərdə Azərbaycan EA-nın prezidenti, Azərbaycan SSR Dövlət mükafatı laureatı (1972) olub.
Bizim.Media
- A-
- A
- A+
Cəmiyyət
11:18 / 21.06.2022
AMEA-nın keçmiş prezidenti vəfat etdi
Hazırda oxunan: AMEA-nın keçmiş prezidenti vəfat etdi
Hazırda oxunan: AMEA-nın keçmiş prezidenti vəfat etdi
80219
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
