Siyavuş Novruzovdan qazilərlə bağlı TƏKLİF – “Dəvət edin, yoxlayın, ictimaiyyətə məlumat verin”

“Hansı qazilər ki deyir əlilliyim var, dəvət edin, yoxlayın ictimaiyyət qarşısında deyin ki, o şəxslərə pensiya düşür, ya düşmür”.  

Bizim.Media xəbər verir ki, bu fikirləri millət vəkili Siyavuş Novruzov Milli Məclisin növbədənkənar sessiyasının ilk iclasında səsləndirib.  

“Bu məsələnin hansısa formada həll yolu tapılmalıdır. Burada cəmi bir həftəlik iş var. Amma 6-8 aydır ki, problemlər davam edir. Qazi gəlir deyirlər ki, sənin kompüterdən məlumatın gəlməyib. Gəlməyib, gətir də. Dövlətdən maaş alıb kabinetdə oturmusunuz. Hərəsinin neçə min işçisi var. Bir neçə nəfər ayırıb bu problemi həll edin”, - deyə S.Novruzov əlavə edib.  

Murad Əhmədov, Bizim.Media