15-20 tonluq qaya parçaları yolu bağladı və...

Hazırda oxunan: 15-20 tonluq qaya parçaları yolu bağladı və...

76398

Güclü selin gətirdiyi qaya parçalarının bağladığı Quba-Xınalıq yolunda ötən gün də təmizləmə işləri davam etdirilib.

Yol nəqliyyatın hərəkəti üçün iki gün əvvəl açılsa da, yola düşmüş iri qaya parçaları texnikaların köməyilə ötən gün tam təmizlənib.

Quba 5 saylı yol istismar idarəsinin sahə rəisi Bilal Sutanov Bizim.Media-ya bildirib ki, yolu təmuzləmək üçün ağır texnikalardan istifadə etdik.

O qeyd edib ki, ən azı 15-20 tonluq iri daş və qaya parçalarını sel suları yola yuvarlamışdı:

“Gecə saatlarında yolun 37-ci km-ni tam açdıq. Güclü yağışlardan sonra Xınalıq yolunda sürüşmə təhlükəsi çox artıb. İndi də Quba-Xınalıq yolunun 30-cu km-də üst yamacdan palçıq və torpaq qatının yola axını başlayıb. Yolun həmin hissəsini dərhal təmizləsək də, axın davam edir. Prosesi nəzarətdə saxlayırıq."

Qeyd edək ki, 3 gün öncə intensiv yağışlardan sonra Xınalıq yolunun 37-ci km-də yola qaya uçqunu nəticəsində 5 kəndlə rayon mərkəzinin nəqliyyat əlaqəsi kəsilmişdi.

Aytəkin Alxaslı, Bizim.Media, Şimal bürosu