Gəndab-Yalama yolunun Şabranın Söhbətli kəndindən keçən hissəsində baş verən qəzada yaralananların şəxsiyyəti məlum olub.
Bizim.Media-nın əldə etdiyi məlumata görə, Xaçmaz rayon sakini Rasim Mədətovun idarə etdiyi "Mersedes"markalı avtomobillə Şabranın Ağalıq kənd sakini Rəhman Hüseynovun idarə etdiyi Vaz-21015 markalı avtomobil toqquşub.
Xəsarət alan Rəhman Hüseynov və həyat yoldaşı rayon mərkəzi xəstəxanasına çatdırılıb.
*** 15:07
Gəndab-Yalama yolunun Şabranın Xırdaoymaq kəndindən keçən hissəsində Vaz-21015 markalı avtomobillə "Mercedes" markalı maşın toqquşub.
Bizim.Media xəbər verir ki, nəticədə Vaz-21015-in sürücü və xanım sərnişini yaralanıb.
Xəsarət alanlar Şabran rayon mərkəzi xəstəxanasının təcili yardım avtomobili ilə tibb müəssisəsinə çatdırılıb.
Qəzanın səbəbləri araşdırılır.
Aytəkin Alxaslı, Bizim.Media
