“Hələlik bu barədə nəsə deyə bilmərik”.
Bunu Bizim.Media-ya açıqlamasında QMİ-nin mətbuat katibliyindən Səudiyyə Ərəbistanının bu ildən başlayaraq Həcc kvotasını artırması fonunda Azərbaycandan nə qədər zəvvarın Həcc ziyarətinə yollanacağına dair sualı cavablandırakən bildiriblər:
MÖVZU İLƏ BAĞLI:
Səudiyyə Ərəbistanı Həcc kvotasını artırdı
“Bununla bağlı prosedura görə ilk öncə bizə Səudiyyə Ərəbistanından məktub gəlməlidir. Hələlik isə Qafqaz Müsəlmanları İdarəsinə belə bir məktub daxil olmayıb. Məktub əsasında müqavilə bağlamaq üçün nümayəndələr arasında danışıqlar gedir.
Burada Həcc ziyarətinə gedəcək zəvvarlarla bağlı kvota müəyyənləşir. İndilikdə belə bir sənəd hələ gəlmədiyindən, Azərbaycanın həcc kvotasının nə qədər olacağı barədə indidən nəsə söyləmək mümkün deyil”.
Rüfət Sultan, Bizim.Media
