Dünən “Yeni Müsavat”ın canlı yayımına qatılan sabiq baş nazir Pənah Hüseynin burnu qırılıb. Buna səbəb isə tanınmış tele-jurnalist, siyasi şərhçi Tofiq Abbasovla yaşadığı insident olub.
Debatda xoşagəlməz hal hesab edilən insidentin səbəb olduğu nəticə ilə bağlı Tofiq Abbasov məsuliyyətə cəlb edilməsi məsələsi haqqında cəmiyyət arasında suallar gəzir.
MÖVZU İLƏ BAĞLI:
Azərbaycanda canlı yayımda dava: Pənah Hüseynin burnu qırıldı - VİDEO
Hüquqşünas-vəkil Fariz Namazlı Bizim.Media-ya açıqlamasında ilkin olaraq xəsarətin ağırlıq dərəcəsinin müəyyən edilməli olduğunu bildirib:
“Burada ona yetirilən xəsarətin ağırlıq dərəcəsini müəyyən etmək lazımdır. Çünki hansı xəsarət yetirilibsə ona uyğun araşdırma aparılmalıdır. Həmin şəxsə xuliqanlıq ittihamı da verilə bilər, çünki heç bir əsas olmadan ictimai yerdə, nalayiq ifadələrdən istifadə edilib və vətəndaşa xəsarət yetirilir. Lakin qarşı tərəf şikayətçi olmadığı təqdirdə məsuliyyət tələbi ola bilməz”.
Səkinə Yusibli, Bizim.Media
