Xəbər verdiyimiz kimi, “Tibbi Ərazi Bölmələrini İdarəetmə Birliyi” (TƏBİB) publik hüquqi şəxsin Müşahidə Şurasının qərarı ilə Vüqar Cavanşir oğlu Qurbanov TƏBİB-in İcraçı direktoru vəzifəsindən azad edilib. Müşahidə Şurasının digər qərarı ilə TƏBİB-in İcraçı direktoru vəzifəsinin müvəqqəti icrası Anar İsrafilova həvalə edilib.
Bizim.Media xəbər verir ki, Azərbaycan Respublikası Prezidentinin 13 may 2022-ci il tarixli Fərmanına əsasən, TƏBİB-in fəaliyyətinə ümumi rəhbərliyi və nəzarəti Azərbaycan Respublikası Prezidentinin vəzifəyə təyin və vəzifədən azad etdiyi sədrdən və digər 4 üzvdən ibarət Müşahidə Şurası həyata keçirir.
MÖVZU İLƏ BAĞLI:
TƏBİB sədri Vüqar Qurbanov vəzifəsindən AZAD EDİLDİ
TƏBİB-in Müşahidə Şurasının sədri İcbari Tibbi Sığorta üzrə Dövlət Agentliyinin İdarə Heyətinin sədri olan Zaur Əliyevdir.
Şuranın digər üzvləri isə aşağıdakı vəzifələri tutur:
- Azərbaycan Respublikası səhiyyə nazirinin müavini;
- İcbari Tibbi Sığorta üzrə Dövlət Agentliyinin İdarə Heyəti sədrinin müavini;
- Azərbaycan Respublikası əmək və əhalinin sosial müdafiəsi nazirinin müavini;
- Səhiyyə İşçiləri Həmkarlar İttifaqının sədri.
Xatırladaq ki, Vüqar Qurbanov 2021-2022-ci illərdə TƏBİB-in İdarə Heyətinin sədri vəzifəsini icra edib. 8 sentyabr 2022-ci ildən isə TƏBİB-in icraçı direktoru təyin edilmişdi.
Bizim.Media
