Zəka Mirzəyevdən XƏBƏRDARLIQ – “Bu şəxslərə güvənməyin”

Hazırda oxunan: Zəka Mirzəyevdən XƏBƏRDARLIQ – “Bu şəxslərə güvənməyin”

590912

"Hansısa üçüncü şəxslər, özlərini “vasitəçi” adlandırılanlar vətəndaşların etibarından sui-istifadə edə bilərlər. Bunun üçün vətəndaşlara yaxınlaşıb ünvanlı dövlət sosial yardım və ya əmək pensiyalarının təyinatı ilə vəd verə bilərlər".

Bizim.Media xəbər verir ki, bunu Dövlət Sosial Müdafiə Fondunun sədri Zəka Mirzəyev 2025-ci ilin yekunları və 2026-cı ilin hədəflərinə dair keçirilən mətbuat konfransında deyib.

O, vətəndaşları ünvanlı dövlət sosial yardımın təyin edilməsi ilə bağlı vasitəçilik etmək istəyənlərə güvənməsinlər:

"Vətəndaşlar belə hallarla rastlaşdıqda Əmək və Əhalinin Sosial Müdafiəsi Nazirliyinə, DOST mərkəzlərinə müraciət etsinlər. Bu sistem elə qurulub ki, bura hər hansı məmur müdaxiləsi mümkün deyil".

Sədrin sözlərinə görə, DSMF-nin fəaliyyətində şəffaflıq tam təmin edilib:

"DSMF-nin sistemində belə hala rast gəlinmir. Biz rəqəmsallaşma tədbirlərini genişləndirməklə, kadr potensialını artırmaqla, sağlamlaşdırmaqla bu halların qarşısını illərdir almışıq".

Günay Şahmar, Sadiq Məmmədov, Bizim.Media