Astara rayonunda iki balıqçı dənizdə itkin düşüb.
Bizim.Media-nın yerli bürosu xəbər verir ki, ötən gecə saatlarında Fövqəladə Hallar Nazirliyinə Astara ərazisində iki nəfər balıqçının dənizdə itkin düşməsi barədə məlumat daxil olub.
Hadisə rayonun Şahağac kəndi istiqamətində baş verib. Bildirilir ki, balıqçılar dənizə balıq ovu məqsədilə çıxıb və geri qayıtmayıblar.
Əraziyə FHN-nin Kiçik Gəmilərə Nəzarət və Sularda Xilasetmə Dövlət Xidmətinin xilasediciləri cəlb olunub.
Hazırda axtarış-xilasetmə tədbirləri davam etdirilir.
Sabutay, Bizim.Media, Cənub bürosu





























































































