“Sertifikasiya imtahanında uğur qazanmayan 8 min müəllimin əmək müqaviləsinə xitam vermişik”.
Bizim.Media xəbər verir ki, bunu elm və təhsil naziri Emin Əmrullayev parlamentdə “Azərbaycan dilinin dövlət dili kimi inkişaf strategiyası: Mövcud vəziyyət və perspektivlər” mövzusuna həsr edilən konfransda çıxışı zamanı deyib.
“Həmin müəllimlərdən 5 minə yaxını ibtidai sinif müəllimi, min nəfərdən artığı isə Azərbaycan dili müəllimləridir”, - deyə nazir əlavə edib.
O bildirib ki, müəllimin səriştəli olması minimal və zəruri şərtdir:
"Xüsusilə ibtidai təhsildə bu məsələ daha da önəmlidir. Fənnin adı “ibtidai təhsil”, müəllimin vəzifəsi “ibtidai təhsil üzrə müəllim” adlansa da, faktiki olaraq Azərbaycan dili fənninin tədrisinə də məhz həmin müəllim cavabdehdir".
Günay Şahmar, Bizim.Media
