Bu gün günorta saatlarında Bakı-Qazax magistralının Yevlaxdan keçən hissəsində qəza baş verib.
Bizim.Media-nın yerli bürosunun verdiyi məlumata görə, "Mitsubishi" markalı avtomobilin sürücüsü idarə etməni itirərək yol kənarındakı dəmir səddə çırpılıb.
Qəza nəticəsində dörd nəfər xəsarət alıb. Xəsarət alanlar 52 yaşlı Vüqar Şamilov, 40 yaşlı Amilə Gülmalıyeva, 72 yaşlı Firuzə Bayramova və 19 yaşlı Aytac Bayramovadır.
Yaralılar Yevlax Rayon Mərkəzi Xəstəxanasına yerləşdirilib.
Faktla bağlı araşdırma aparılır.
Leyla Vəfadar, Bizim.Media, Mərkəzi Aran bürosu
