Energetika naziri Pərviz Şahbazov Neft İxrac edən Ölkələr Təşkilatına (OPEC) üzv və üzv olmayan ölkələrin nazirlərinin onlayn formatda keçirilən 40-cı iclasında iştirak edib.
Bizim.Media Energetika Nazirliyinin məlumatına istinadən xəbər verir ki, Azərbaycan iclasda qəbul edilən – xam neftin sutkalıq hasilatının 2026-cı ilin sonunadək sabit səviyyədə saxlanılması və maksimal dayanıqlı istehsal gücünün qiymətləndirilməsi mexanizminə dair qərarı dəstəkləyib.
Bundan əlavə, qlobal neft bazarındakı vəziyyət, hasilat səviyyələri və kompensasiya öhdəliklərinin yerinə yetirilməsi müzakirə olunub. OPEC Katibliyi tərəfindən hazırlanmış və təsdiqlənmiş Maksimal Dayanıqlı İstehsal Gücünün (MSC) qiymətləndirilməsi mexanizmi 2027-ci il üçün “Əməkdaşlıq Bəyannaməsi” ölkələrində neft hasilatının baza səviyyələrinin müəyyən olunmasında göstərici kimi istifadə ediləcək.
OPEC Katibliyinə həmçinin 2 iyul 2019-cu ildə imzalanmış Əməkdaşlıq Xartiyasının məqsədlərinə nail olmaq üçün fəaliyyət planı hazırlamaq və onu növbəti iclasda nazirlərə təqdim etmək tapşırılıb.
OPEC üzvü və qeyri-üzv ölkələrin nazirlərinin 41-ci iclasının gələn ilin 7 iyununda keçirilməsi barədə razılıq əldə olunub.
Bizim.Media
- A-
- A
- A+
Cəmiyyət
22:48 / 30.11.2025
Azərbaycan OPEC+ kvotalarının saxlanılması barədə qərarı dəstəklədi
Hazırda oxunan: Azərbaycan OPEC+ kvotalarının saxlanılması barədə qərarı dəstəklədi
Hazırda oxunan: Azərbaycan OPEC+ kvotalarının saxlanılması barədə qərarı dəstəklədi
583184
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
