Bu gün Samur-Abşeron kanalının Xaçmazın Alıcqışlaq kəndindən keçən hissəsində batan adamın kimliyi məlum olub.
Bizim.Media-nın əldə etdiyi məlumata görə, bu, həmin kəndin sakini, 46 yaşlı Ədalət Elman oğlu Pirverdiyevdir.
O, hazırda rəsmi şəkildə itkin düşmüş kimi qeydə alınıb.
Onun yaşadığı kəndin yaxınlığından keçən Samur-Abşeron kanalına düşdüyü deyilir.
Ədalət Pirverdiyevin həqiqətən su kanalına düşməsi meyit tapılandan sonra məlum olacaq.
Qeyd edək ki, Ədalət Pirverdiyev daş üzərində oyma peşəsi ilə məşğuldur.
O, Quba-Xaçmaz Regional Mədəniyyət idarəsinin əməkdaşıdır.
Fakt üzrə araşdırmalar və axtarışlar davam edir.
Aytəkin Alxaslı, Bizim.Media, Şimal bürosu
