Axşam saatlarında Şəki-Qax avtomobil yolunun Qax rayonundan keçən hissəsində "Mitsubushi Pajero"markalı avtomaşın qəzaya uğrayıb.
Bizim.Media xəbər verir ki, qəzaya səbəb avtomaşının qarşısına qəfil inək çıxması olub.
Toqquşma nəticəsində heyvan tələf olub, Vəfadar Abdullayevin idarə etdiyi "Mitsubishi Pajero" markalı avtomaşına isə xeyli ziyan dəyib.
Hadisə yerinə polis əməkdaşları gəlib. Hazırda polis magistral yola heyvan buraxan mal sahibini axtarır.
Qəza nəticəsində avtomaşındakı sərnişin yüngül xəsarət alıb.
Aytəkin Alxaslı, Bizim.Media, Şimal bürosu
