Azərbaycan Dövlət Gənc Tamaşaçılar Teatrının aktyoru, xalq artisti Yasin Qarayev koronavirusa yoluxub.
Bu barədə Bizim.Media-ya aktyorun özü məlumat verib. Aktyorun sözlərinə görə noyabrın 26-da koronavirusa görə verdiyi test nümunəsinin cavabı “pozitiv” çıxıb. Bundan sonra ailəsi ilə birgə karantinə alınıb:
“Ailəlikcə yoluxmuşuq. Yoldaşımla oğlum başqa evdə, mən isə tələbə nəvəmlə digər evdə qalırıq. Müalicəmi evdə davam etdirirəm.
Maksimum bütün qaydalara riayət edirəm, tez-tez pəncərələri açıb təmiz hava qəbul edirik və ailə tibb bacısı da lazım olanları edir. Şəkər xəstəsiyəm deyə, bununla bağlı göstəricilərimi də nəzarətdə saxlayırıq”
Yasin Qarayev iki doz peyvənd olunduqlarını da bildirib:
“Noyabrın 8-i üçüncü dozu vurdurmaq üçün gedəcəkdik. Amma bu xəstəlik çıxdı. Görək nə olur”, - deyə aktyor əlavə edib.
Alçina Amilqızı, Bizim.Media
