Daxili İşlər Nazirliyi Bakıda azyaşlı qızın məktəbdən oğurlanmağa cəhd olunması iddialarına münasibət bildirib.
Bizim.Media xəbər verir ki, DİN-in mətbuat xidmətindən bu barədə məlumat verilib.
MÖVZU İLƏ BAĞLI:
Bakıda məktəbli qızı maşına mindirərək oğurlamaq istədilər
"Azyaşlının qaçırılma cəhdi ilə bağlı iddialar nəzarətə götürülüb. Bununla bağlı bütün zəruri tədbirlər icra olunur. Araşdırmanın nəticəsi ilə bağlı məlumat veriləcəkdir", - deyə məlumatda qeyd olunub.
Qeyd edək ki, hadisə Bakının Sabunçu rayonunda qeydə alınıb. Azyaşlının ailə üzvləri iddia edir ki, naməlum şəxs onu ağ avtomobilə mindirib.
Lakin bir neçə yüz metr getdikdən sonra uşaq avtomobildən düşərək qaçıb.
Bizim.Media
