Hacıqabul Rayon Polis Şöbəsinin əməkdaşları tərəfindən keçirilən əməliyyat tədbirləri nəticəsində narkotik vasitələrin qanunsuz dövriyyəsində şübhəli bilinən rayon sakini, əvvəllər məhkum olunmuş Hafis Səmədov saxlanılıb.
DİN-in Mətbuat Xidmətinin Şirvan regional qrupundan Bizim.Media-ya verilən məlumata görə, Onun üzərinə keçirilən baxış zamanı iki bükümdə narkotik maddə heroin aşkarlanaraq götürülüb.
MÖVZU İLƏ BAĞLI:
DİN Yasamalda əməliyyat keçirdi - 10 nəfər saxlanıldı
Şöbə əməkdaşları tərəfindən H.Səmədovun ətrafında aparılan əməliyyat tədbirləri nəticəsində onun rayon ərazisində yerləşən fərdi yaşayış evlərinin birindən bir ədəd motorlu mişar oğurladığı və dəyərindən ucuz qiymətə satdığı da müəyyən edilib.
Faktlarla bağlı Hacıqabul RPŞ-də cinayət işi açılıb, araşdırmalar aparılır.
Bizim.Media
