Cəlilabadın icra başçısı həbs edildi - YENİLƏNİR

Dövlət Təhlükəsizlik Xidmətinin həyata keçirdiyi xüsusi əməliyyat nəticəsində Cəlilabad Rayon İcra başçısı Namiq Zeynalov həbs edilib.

İlkin məlumatlara görə, icra başçısı vəzifədə yol verdiyi nöqsanlara görə saxlanılıb.

Qeyd edək ki, Namiq Zeynalov Cəlilabad  Rayon İcra Hakimiyyəti başçısı vəzifəsinə 2018-ci ilin fevralın 6-da təyin edilib. 

İcra başçısı bu posta təyinatı Ramiz Mehdiyevin  Azərbaycan Respublikası Prezidentinin Administrasiyasına rəhbərlik etdiyi dönəmdə alıb. 

N.Zeynalov buna qədər isə Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin rəis müavini vəzifəsində çalışıb.

***

Hüquq-mühafizə orqanlarının əməkdaşları Cəlilabad rayon İcra Hakimiyyətinin binasında xüsusi əməliyyat keçirir.

Bizim.Media xəbər verir ki, əməliyyat zamanı saxlanılanlar var.

Qeyd edək ki, Cəlilabad rayonunun icra başçısı 2018-ci ilin fevralın 6-dan Namiq Zeynalovdur. 

Bizim.Media