Vətən müharibəsinin birinci ildönümü ərəfəsində Milli Məclisin sədri Sahibə Qafarovanın müvafiq əmrinə əsasən, şəhid Cəbrayıl Dövlətzadənin anası Məleykə Məmmədzadə dövlət qulluğuna qəbul edilərək parlamentdə işlə təmin olunub.
Bizim.Media xəbər verir ki, bu münasibətlə Milli Məclisin sədri Sahibə Qafarova şəhid anası ilə görüşüb.
MÖVZU İLƏ BAĞLI:
Milli Məclis Zəfər Günü bəyanatı ilə bağlı komissiya yaratdı
Qeyd edək ki, Cəbrayıl Dövlətzadə Azərbaycan Prezidenti İlham Əliyev tərəfindən ölümündən sonra "Azərbaycan Bayrağı" ordeni, "Vətən uğrunda", "Kəlbəcərin azad olunmasına görə" medalları ilə təltif edilib.
Cəbrayıl Dövlətzadə 2020-ci ilin 28 sentyabr tarixində Cəbrayıl-Füzuli istiqamətində gedən döyüşlərdə xüsusi təyinatlıların tərkibində döyüşərək böyük şücaət göstərib, erməni generalını və polkovnikini öldürərkən 19 yaşında şəhid olub.
Bizim.Media
