AAAF Park yaşayış kompeksində binaların fundamentə bitişik torpaq sahəsini və beton layları sökərək obyekt kimi istifadə edən şəxslərdən rüşvət alaraq buna göz yuman polis əməkdaşı orqandan xaric edilib.
Bizim.Media xəbər verir ki, bir neçə gün öncə polisin rüşvət alaraq ərazidən uzaqlaşma anı qonşu binada yaşayan sakinlər tərəfindən videosu çəkilib.
Həmin görüntülər redaksiyamıza təqdim edilib.
MÖVZU İLƏ BAĞLI:
Azərbaycanda rüşvət alan həkim barəsində cinayət işi başladı
DİN Mətbuat xidmətinin şöbə rəisi, polis mayoru Elşad Hacıyev qafqazinfo.az saytına verdiyi açıqlamada bildirib ki, həmin görüntülər araşdırılıb:
“Polis adına ləkə gətirən hərəkətlərə yol verdiyi üçün polis serjantı E.Abbasov Çevik Polis Alayının komandirinin müvafiq əmri ilə daxili işlər orqanlarından xaric edilib”.
Bizim.Media
