Dünən mətbuatda həbsdən yenicə çıxmış,keçmiş İqtisadi İnkişaf naziri Fərhad Əliyev və onun qardaşı Rafiq Əliyevin vaxtilə əllərindən alınmış bəzi obyektlərinin qaytarılması haqda məlumat yayılıb. Məlumatda bildirilir ki, “Azpetrol” Şirkətlər Qrupunun keçmiş prezidenti Rafiq Əliyevin şirkətdə olan payları bərpa edilib. Yada salaq ki, “Bank of Baku”nun səhmdarlarından olan R.Əliyevin həbsindən sonra bankın digər səhmdarları gəlir dividentlərindən məhrum olmuşdular. R.Əliyevin azadlığa çıxması ilə gəlir dividentləri də aktivləşib. Avropa.info ilə əlaqə saxlayan Fərhad və Rafiq Əliyev qardaşlarının vaxtilə onlara görə,həbsə düşən qohumlarından biri yayılan informasiyanı təkzib edib. Onun dediyinə görə, Fərhad və Rafiq Əliyevlər həbs olunandan sonra bir neçə il qardaşlara məxsus obyektlərin əllərindən alınması prosesi gedib."Lakin son 3 ildə bu proses dayandı. Nəticədə Fərhad və Rafiq Əliyevlərin böyük biznes imperiaları əllərindən çıxsa da, müəyyən obyektlərə toxunulmadı. İndi qardaşların əvvəlki kimi olmasa da, hər halda müəyyən biznes strukturları var. Amma “Azpetrol” Şirkətlər Qrupunda Rafiq Əliyevin paylarının bərpa edlməsi ilə bağlı məlumatlar doğru deyil. Heç inanmıram ki, gələcəkdə də Rafiq Əliyev "Azpetrol"a yaxın buraxılsın." Əliyev qardaşlarının qohumu Rafiq Əliyevin “Bank of Baku”-dakı səhmləri məsələsinə də toxunub."Rafiq Əliyev həbs olunanda onun “Bank of Baku”-dakı səhmləri əlindən alınmamışdı. Lakin R. Əliyevin həbsdən çıxması ilə gəlir dividentlərinin aktivləşməsi xəbəri də doğru deyil. Hələlik bu yöndə hər hansısa yenilik yoxdur. Amma mümkündür ki, bu baş versin."
Moderator.az
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
