Neftçala Rayon İcra Hakimiyyətinin sabiq başçısı İsmayıl Vəliyev və onunla birgə saxlanılan digər vəzifəli şəxslərin növbəti məhkəmə prosesi başlayıb.
Bizim.Media xəbər verir ki, proses Lənkəran Ağır Cinayətlər Məhkəməsində hakim Nizami Quliyevin sədrliyi ilə keçirilib.
Neftçala Rayon İcra Hakimiyyətinin sabiq başçısı İsmayıl Vəliyev, icra hakimiyyəti başçısının birinci müavini Vurğun Əkbərov, Memarlıq və tikinti şöbəsinin müdiri Vüqar Nağıyev, rayon Təhsil şöbəsinin müdiri Əjdər Kərimov, Ərazi idarəetmə və yerli özünüidarəetmə orqanları ilə iş şöbəsinin müdiri Anar Cəfərov, rayon Mərkəzi Xəstəxanasının baş həkimi Telman Zahidovun işi üzrə keçirilən məhkəmə prosesində 18 nəfər şahidin ifadələri dinlənilib.
Növbəti proses sentyabrın 9-na təyin olunub.
Xatırladaq ki, İsmayıl Vəliyev və digər şəxslər Dövlət Təhlükəsizliyi Xidmətinin əməkdaşları tərəfindən ötən ilin fevralında həbs edilib.
Təqsirləndirilən şəxslər Azərbaycan Respublikasının yerli icra hakimiyyəti orqanlarının vəzifəli şəxsləri tərəfindən səlahiyyətlərindən qulluq mənafeyinə qəsdən zidd olaraq istifadə edib vətəndaşların hüquqlarına, cəmiyyətin və dövlətin qanunla qorunan mənafelərinə zərər vuran, dövlət orqanlarının fəaliyyətinə kölgə salan qanunsuz əməllərə yol verməkdə ittiham olunur.
Bizim.Media
![Neftçalanın həbsdə olan sabiq icra başçısının məhkəməsində 18 nəfər ifadə verdi Neftçalanın həbsdə olan sabiq icra başçısının məhkəməsində 18 nəfər ifadə verdi](https://bizim.media/file/articles/2021/08/27/1630055601_0de-4-kcur-kcur-kcur-kcur-kcur-kcur-kcur-kcur-kcur-kcur-kcur-kcur-kcur-kcur.jpg)
- A-
- A
- A+
Cəmiyyət
13:13 / 27.08.2021
Neftçalanın həbsdə olan sabiq icra başçısının məhkəməsində 18 nəfər ifadə verdi
Hazırda oxunan: Neftçalanın həbsdə olan sabiq icra başçısının məhkəməsində 18 nəfər ifadə verdi
Hazırda oxunan: Neftçalanın həbsdə olan sabiq icra başçısının məhkəməsində 18 nəfər ifadə verdi
34454
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.