“Bir sıra kütləvi informasiya vasitələrində və sosial şəbəkələrdə Azərbaycanın milli aviadaşıyıcısı tərəfindən Bakı-Naxçıvan istiqamətində uçuş zamanı Zəngəzur üzərindəki hava məkanından istifadə olunması barədə yanlış məlumat yayılıb”.
Bu sözləri Bizim.Media-ya açıqlamasında "Azərbaycan Hava Yolları" QSC-nin (AZAL) mətbuat katibi Paşa Kəsəmənski bildirib.
MÖVZU İLƏ BAĞLI:
"Naxçıvan” Beynəlxalq Hava Limanı AZAL-ın tabeliyindən çıxarıldı
O, bildirib ki, bu cür təsdiqlənməmiş məlumatları KİV-də yaymaq yolverilməzdir.
“Azərbaycan Hava Yolları” rəsmi olaraq məlumat verir ki, Zəngəzur üzərində hava dəhlizi hələlik mövcud deyil və aviaşirkətlər tərəfindən istifadə olunmur. AZAL kütləvi informasiya vasitələrini təsdiqlənməmiş informasiyaya etibar etməməyə və yalnız rəsmi mənbələrə müraciət etməyə çağırır”.
Sonda Paşa Kəsəmənski fikirlərini belə tamamlayıb:
“Azərbaycan Hava Yolları” bu təxribatçı hərəkətlərin, yəni qəsdən yalan məlumatların yayılmasının araşdırılması üçün hüquq-mühafizə orqanlarına müraciət etmək hüququnu özündə saxlayır”
Qeyd edək ki, bir sıra mətbuat orqanları Bakıdan Naxçıvana uçan təyyarənin Zəngəzur üzərindən keçərək eniş etdiyini yazıb.
Vüsalə Balayeva, Bizim.Media
