Çinli alimlər tibbdə inqilabi yeniliyə imza ataraq, cəmi 3 dəqiqə ərzində sınıqları sağalda bilən xüsusi gel hazırlayıblar.
Bizim.Media xəbər verir ki, gel Çinin Çjeczyan (Zhejiang) vilayətindən olan elmi araşdırma qrupu tərəfindən hazırlanıb.
Bu gel, sümük toxumasını möhkəm bir şəkildə birləşdirən və bərpa prosesini sürətləndirən yüksək effektivliyə malik bioloji yapışdırıcıdır. O, yüksək yapışma qabiliyyəti baxımından əvvəlki texnologiyalardan fərqlənir. Belə ki, tətbiq edildikdən cəmi 3 dəqiqə sonra sınıq sümüklər sürətlə birləşir.
Mütəxəssislər iddia edirlər ki, yenilik travmatologiya və ortopediya sahəsində olduqca faydalı olacaq.
Qeyd edək ki, gelin klinik sınaqları davam etdirilir.
Bizim.Media
