Tovuzda dönərdən zəhərlənərək xəstəxanaya yerləşdirilənlərin səhhəti ilə bağlı rəsmi açıqlama verilib.
Bizim.Media-nın yerli bürosunun məlumatına görə, bu barədə TƏBİB məlumat yayıb.
Bu gün saat 16:55 radələrindən başlayaraq 14 nəfər (7-si kişi, 7-si qadın cinsli olmaqla) zəhərlənmə şübhəsilə Tovuz Rayon Mərkəzi Xəstəxanasının Təcili və təxirəsalınmaz tibbi yardım şöbəsinə hospitalizasiya edilib.
Qeyd edilib ki, onların hər birinə zəruri tibbi xidmətlər göstərilib və vəziyyətləri orta-ağır qiymətləndirilib.
Hazırda onların müalicəsi tibb müəssisəsinin Təcili və təxirəsalınmaz tibbi yardım şöbəsində davam etdirilir.
Məqsəd Rəhimov, Bizim.Media, Qərb Bürosu
