Astara şəhərində yerləşən 1 saylı məktəbin idman meydançası yaxınlığında yanğın baş verib.
Bizim.Media-nın yerli bürosu xəbər verir ki, quru otların alışması nəticəsində alov sürətlə yayılaraq həm məktəb binasına, həm də ətrafda yerləşən yüksək gərginlikli elektrik avadanlıqlarına yaxınlaşıb.
Fövqəladə Hallar Nazirliyinin Astara rayon bölməsinin əməkdaşları dərhal hadisə yerinə cəlb olunub.
Yanğınsöndürənlər çevik müdaxilə edərək alovun ətraf ərazilərə yayılmasının qarşısını alıb. Ərazidə olan insanlar təhlükəsizlik məqsədilə dərhal təxliyə olunub.
Hadisənin yaranma səbəbi hələlik məlum deyil və araşdırmalar davam etdirilir.
Sabutay, Bizim.Media, Cənub bürosu
