Şəmkirdə güclü külək kənd məktəbinin dam örtüyünü uçurub.
Bizim.Media xəbər verir ki, hadisə axşam saatlarında rayonun Şiştəpə kəndində baş verib.
Bildirilib ki, külək nəticəsində Qalib Allahverdiyev adına Şiştəpə kənd tam orta ümumtəhsil məktəbinin dam örtüyü aşıb.
Yaranmış vəziyyət nəzərə alınaraq şagirdlərin təhsillərinə müvəqqəti olaraq qonşuluqda yerləşən İrmaşlı kənd tam orta ümumtəhsil məktəbində davam etmələri təmin olunub.
Qeyd edək ki, Qalib Allahverdiyev adına Şiştəpə kənd tam orta məktəbi 2000-ci ildə kənd sakinləri tərəfindən inşa olunaraq istifadəyə verilib. Hazırda məktəbdə 750 şagird təhsil alır.
Xoşbəxtlikdən hadisə qeyri-iş günü baş verib, dərs zamanı olmadığına görə xəsarət alan yoxdur. (Oxu.az)
Bizim.Media
