Fransada Çikunqunya virusunun yayılması ilə bağlı təcili tədbirlər görülməyə başlanılıb.
Bizim.Media xəbər verir ki, "France Bleu"-nun məlumatına görə, ölkədə "Ağ Plan" adlı fövqəladə vəziyyət tətbiq edilib.
Bu plan, tibbi müəssisələrə insan və maddi resursları operativ şəkildə cəlb edərək xəstəliyin yayılmasına qarşı mübarizəni gücləndirmək imkanı yaradır.
2024-cü ilin avqust ayından etibarən, 20 minə yaxın Çikunqunya xəstəliyi halı qeydə alınıb. Üstəlik, virus nəticəsində 86 və 96 yaşlarında iki nəfər həyatını itirib.
Çikunqunya nədir?
Çikunqunya — əsasən Aedes aegypti və Aedes albopictus adlı ağcaqanadlar vasitəsilə yayılan virus mənşəli xəstəlikdir. İlk dəfə 1952-ci ildə Tanzaniyada aşkarlanıb. Virusun adı Tanzaniya dilində “əyilən adam” mənasını verir və bu, xəstəliyin səbəb olduğu şiddətli oynaqlar ağrılarını təsvir edir.
Bizim.Media
