Bu il biologiya, kimya, fizika, coğrafiya və informatika fənni müəllimlərinin sertifikatlaşdırma imtahanlarına cəlbi nəzərdə tutulur.
Bizim.Media xəbər verir ki, bunu Elm və təhsil naziri Emin Əmrullayev fevralın 6-da keçirdiyi brifinqdə deyib.
Onun sözlərinə görə, gələn il üçün isə tarix, texnologiya, musiqi, təsviri incəsənət və fiziki tərbiyə üzrə müəllimlər üçün imtahan planlaşdırılır:
"Bununla da 2027-ci ildə artıq bütün fənn müəllimləri sertifikasiyadan keçmiş olacaq".
E.Əmrullayev bildirib ki, 2026-cı ilin sonunadək bütün fənlər üzrə 40 min təhsilverən sertifikatlaşdırma prosesinə cəlb olunacaq.
Nazir onu da qeyd edib ki, 2022-2024-cü illər üzrə 64 min 901 müəllim sertifikasiyaya cəlb olunub:
"Sertifikatlaşdırmada 17 min 426 nəfər yüksək nəticə göstərib. Bundan başqa, 38 min 84 nəfər qənaətbəxş nəticə göstərib. Ümumilikdə 55 min 510 təhsilverənin əməkhaqqına əlavalər edilib".
Ayşən Rəhim, Pərviz Allahverdiyev, Bizim.Media
- A-
- A
- A+
Cəmiyyət
15:24 / 06.02.2025
DİQQƏT: Bu il 5 fənnin müəllimləri İMTAHAN verəcək
Hazırda oxunan: DİQQƏT: Bu il 5 fənnin müəllimləri İMTAHAN verəcək
Hazırda oxunan: DİQQƏT: Bu il 5 fənnin müəllimləri İMTAHAN verəcək
233526
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
