Təyyarə qəzasında həyatını itirənlərin xatirəsinə bir dəqiqəlik SÜKUT - VİDEO

Hazırda oxunan: Təyyarə qəzasında həyatını itirənlərin xatirəsinə bir dəqiqəlik SÜKUT - VİDEO

227112

Xəbər verdiyimiz kimi dekabrın 25-də Bakı-Qroznı reysini yerinə yetirən “Embraer 190” tipli sərnişin təyyarəsi qəzaya uğrayıb.

Bizim.Media xəbər verir ki, qəza nəticəsində çox sayda insanın həyatını itirməsi ilə əlaqədar dekabrın 26-da Azərbaycanda matəm elan edilib.

Saat 12.00-da isə həyatını itirənlərin xatirəsi 1 dəqiqəlik sükutla yad edilib.

Xatırladaq ki, ötən gün Bakı-Qroznı marşrutu üzrə uçan "Embraer 190" sərnişin təyyarəsi Aktaunun hava limanından 3 km məsafədə qəzaya uğrayıb. Aktau şəhərində qəzaya uğrayan Bakı-Qroznı reysini yerinə yetirən “Embraer 190” təyyarəsində 62 sərnişin, 5 ekipaj üzvü olmaqla, ümumilikdə 67 nəfər olub.

Son məlumatlara əsasən, sərnişinlər arasında 37 Azərbaycan vətəndaşı olub, onlardan 23-ü həlak olub, 14-ü sağ qalıb. Qırğızıstandan 3 nəfər olub, onlar sağ qalıblar. Eyni zamanda, təyyarədə 16 Rusiya vətəndaşı olub, onlardan 7-si ölüb, 9-u sağ qalıb.

Qazaxıstandan olan 6 sərnişinin hamısı həyatını itirib.

Bizim.Media