Hazırda islamda ilin ayları arasındaxa0 ən şəfaqətli və ən müqəddəs ay hesab edilən Ramazan ayını yaşayırıq. Onu məcazi mənada "on bir ayın sultanı" da adlandırırlar.xa0
Bu ayda oruc tutmaqla bağlı, savab işlərlə əlaqəli insanlarda müxtəlif suallar yaranır.
Moderator.azxa0"əgər bir insan bilə-bilə oruc tutmursa, yəni, üzrlü səbəbi olmadan oruc tutmur və namaz qılmırsa, ona iftar yeməyi vermək olar? Onu yeməyə dəvət etmək düzdür?" suallarının cavabını təqdim edir:
İftar oruc tutanlar üçündür. Yaxın dost-tanışlarınızdan və qohumlarınızdan iftar yeməyi verəcəyiniz adamlar varsa, əvvəlcə onları dəvət etməlisiniz. Lakin oruc tutmayan dost-tanışın da iftar süfrəsində olmağını qadağan edən bir hökm yoxdur.
Qeyd edək ki, bir müsəlmanın qəsdən oruc tutmamağından söhbət gedə bilməz. Din bizə tabe deyil, biz dinə tabe olmalıyıq. Dinə tabe olmaq istəməyən şəxsi isə zorla tabe etmək olmaz. Buna görə də siz onları qonaq edə bilərsiniz. Bu cür hallarda yaxşı olar ki, onlara münasib bir dillə lazımi xəbərdarlıqlarıxa0 edəsiniz.
