Qubada güclü yağışdan sonra daha bir kənddə yaşayış evinə ziyan dəyib.
Bizim.Media-nın yerli bürosu xəbər verir ki, rayonun Çiçi kəndində Sitarə Eldarovanın həyətini və evini yağış suları basıb.
MÖVZU İLƏ BAĞLI:
Qubada çirkab suları evlərin həyətinə doldu - FOTO
Yaşlı qadının iki otağı və dəhlizi su ilə dolub. Quba Rayon İcra Hakimiyyəti başçısının Çiçi kəndindəki nümayəndəliyindən Sitarə Eldarovanın evinin yağış sularından təmizlənməsinə başlanıldığı bildirilib.
Qeyd edək ki, bu gün Qubanın Alekseyevka kəndində küçədə kanalizasiya borusu zədələnib və nəticədə çirkab suları yaxınlıqdakı evlərin həyətinə dolub. Hadisə güclü yağışlardan sonra baş verib.
Aytəkin Alxaslı, Bizim.Media, Şimal bürosu
