Gəncədə baş verən yol-nəqliyyat hadisəsi zamanı piyada həyatını itirib.
Bizim.Media-nın yerli bürosunun məlumatına görə, hadisə şəhərin İsmət Qayıbov küçəsində baş verib.
Hərəkətdə olan "Mercedes" markalı təcili tibbi yardım avtomobili yolu qarşı tərəfə keçmək istəyən Gəncə şəhər sakini, 1966-ci il təvəllüdlü Ə.Verdiyevi vurub.
Piyada xəstəxanaya çatdırılsa da, onun həyatını xilas etmək mümkün olmayıb.
İlkin məlumata görə, piyadanı vuran avtomobil Daşkəsən rayon mərkəzi xəstəxanasının təcili və təxirəsalınmaz tibbi yardım şöbəsinə məxsusdur.
Faktla bağlı araşdırma aparılır.
Məqsəd Rəhimov, Bizim.Media, Qərb Bürosu
