Kürdəmirdə 5 avtomobilin iştirakı ilə zəncirvari yol qəzası baş verib.
Bizim.Media-nın Aran bürosu xəbər verir ki, hadisə Bakı-Qazax əsas magistral yolunun rayonun Muğanlı kəndindən keçən hissəsində qeydə alınıb.
Belə ki, QAZEL markalı yük maşını dönmə əməliyyatı edərkən ona arxadan gələn “Chevrolet” markalı minik maşını çırpılıb. Bundan sonra arxada hərəkətdə olan “Mercedes” ,BMW və “Toyota” markalı avtomobillər də bir-birlərinə çırpılıb.
Qəza zamanı Mingəçevir sakini 32 yaşlı Mamedova Leyla Lənkəran qızı müxtəlif dərəcəli bədən xəsarətləri alaraq Kürdəmir rayon Mərkəzi Xəstəxanasına aparılıb.
Hazırda faktla bağlı araşdırma aparılır.
Bizim.Media, Aran bürosu
