Bu gün səhər saat 07:15-də Sumqayıtdan Bakıya doğru hərəkət edən sürətli qatar yolda qalıb.
Qatar heyətindən Bizim.Media-ya verilən xəbərə görə, buna səbəb qatarın birinci vaqonundakı sərnişinlərdən birinin vəziyyətinin ağırlaşması olub.
Nəticədə qatar Sabunçu dayanacağında 20 dəqiqə dayanmalı olub.
Təcili yardım briqadası gəldikdən və xəstə həkimlərə təhvil verildikdən sonra qatar yoluna davam edib.
Qatar mənzil başına qrafikə uyğun olaraq saat 08:10-da yox, 08:30-da çatıb.
Surxay Atakişiyev, Bizim.Media
