Lənkəran Ağır Cinayətlər Məhkəməsində xuliqanlıq niyyəti ilə qəsdən adam öldürməyə cəhddə təqsirləndirilən Elmin Abdullayevin cinayət işi üzrə məhkəmə iclası başa çatıb.
Bizim.Media “pravda.az”a istinadən xəbər verir ki, hakim Xamməd Nuriyevin sədrliyi ilə keçirilən prosesdə hökm oxunub.
Məhkəmənin hökmü ilə o, cəzasını ciddi rejimli cəzaçəkmə müəssisəsində çəkməklə 11 il 6 ay müddətinə azadlıqdan məhrum edilib.
İttihama görə, hadisə 23 sentyabr 2023-cü il tarixdə saat 23:45-də Sabirabad rayonu Xankeçən kəndində qeydə alınıb.
Belə ki, Salyan rayon sakini Elmin Abdullayev qaynının hərbi xidmətə yola salınması münasibətilə qayınatasının təşkil etdiyi məclisdə yeyib-içdikdən sonra sərxoş vəziyyətdə olub.
Həmin vaxt məclisdə iştirak etmiş kənd sakini, zərərçəkmiş Ceyhun Mehdiyev yolla keçən tanışının ünvanına zarafatyana nalayiq ifadə işlədib. Bunu da Elmin eşidib, zərərçəkmişə irad bildirib, sonra onların arasında mübahisə yaranıb. Nəticədə o, xuliqanlıq niyyəti ilə Ceyhun Mehdiyevə bıçaqla çoxsaylı xəsarətlər yetirib.
Xəstəxanaya çatdırılan yaralının həyatını xilas etmək mümkün olub.
Elmin Abdullayevə qarşı Cinayət Məcəlləsinin 29, 120.2.2 (xuliqanlıq niyyəti ilə qəsdən adam öldürməyə cəhd) və 221.1-ci (xuliqanlıq) maddələri ilə ittiham elan edilib və barəsində məhkəmənin qərarı ilə həbs qətimkan tədbiri seçilib.
Bizim.Media
![Qaynının məclisində söyüş söyəni bıçaqlayan şəxsə AĞIR CƏZA Qaynının məclisində söyüş söyəni bıçaqlayan şəxsə AĞIR CƏZA](https://bizim.media/file/articles/2024/09/04/1725428100_1.jpg)
- A-
- A
- A+
Cəmiyyət
09:32 / 04.09.2024
Qaynının məclisində söyüş söyəni bıçaqlayan şəxsə AĞIR CƏZA
Hazırda oxunan: Qaynının məclisində söyüş söyəni bıçaqlayan şəxsə AĞIR CƏZA
Hazırda oxunan: Qaynının məclisində söyüş söyəni bıçaqlayan şəxsə AĞIR CƏZA
209883
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.