Ağstafada xəsarətlə nəticələnən yol-nəqliyyat hadisəsi qeydə alınıb.
Bizim.Media-nın yerli bürosunun məlumatına görə, şəhərin mərkəzi küçələrindən birində, yanacaqdoldurma stansiyasının yaxınlığında biri VAZ markalı maşın olmaqla hərəkətdə olan iki avtomobilin toqquşması nəticəsində 5 nəfər müxtəlif dərəcəli bədən xəsarətləri alıb.
Qəza zamanı 1994-cü il təvəllüdlü X.Rzayev, 2001-ci il təvəllüldü Ş.Camalov, 2001-ci il təvəllüdlü N.Xəlilov, 2001-ci il təvəllüdlü E.Əliyev və 2001-ci il təvəllüdlü Ü.Salmanov xəstəxanaya yerləşdiriliblər.
Onlara ilkin tibbi yardım göstərilib, vəziyyətlərinin stabil olduğu bildirilir.
Faktla bağlı araşdırma aparılır.
Məqsəd Rəhimov, Bizim.Media, Qərb Bürosu
