Zaqatalada qəzada ölən şagirdlərin adları açıqlanıb.
Bizim.Media xəbər verir ki, bu barədə Şəki-Zaqatala Regional Təhsil İdarəsi məlumat yayıb.
MÖVZU İLƏ BAĞLI:
Zaqatalada üç uşağı maşın VURDU - İKİSİ ÖLDÜ
Bildirilib ki, bu gün Zaqatala rayonu Göyəm kənd tam orta məktəbinin 5-ci sinif şagirdləri olan İbrahimzadə İbrahim Əziz oğlu, İsayev Ramazan Babək oğlu və Permadov Kamal Elçin oğlunu dərs məşğələləri qurtardıqdan sonra evə qayıdarkən yolda avtomobil vurub.
Məktəblilərdən ikisi - İsayev Ramazan Babək oğlu və Permadov Kamal Elçin oğlu elə hadisə yerindəcə dünyasını dəyişiblər. İbrahimzadə İbrahim Əziz oğlu isə Zaqatala Rayon Mərkəzi Xəstəxanasının reanimasiya şöbəsinə yerləşdirilib və vəziyyəti ağır olaraq qalır.
Qeyd edək ki, Zaqatalada 2 nəfərin ölümü ilə nəticələnən yol-nəqliyyat hadisəsi baş verib. Saat 13 radələrində Zaqatala rayonunun Göyəm kəndi ərazisində Emin İbrahimov idarə etdiyi “Mercedes” markalı avtomobillə piyadalar, 2013-cü il təvəllüdlü üç azyaşlını vurub.
Bizim.Media
